İyulun 19-da gecə saat 00.30-da Tovuz rayonunun Ağdam kəndi istiqamətində sərhədlərimizi keçməyə cəhd edərkən öldürülmüş və meyiti artıq 17 gündür ki, Azərbaycan tərəfdə olan Ermənistan kəşfiyyatçısı, 22 yaşlı Qor Mixayeloviç Minasyanın meyiti Ermənistan tərəfə təhvil verilib. ANS PRESS-in bölgə müxbirinin məlumatına görə, kəşfiyyatçının meyiti Qazaxın Balacəfərli kəndi istiqamətində qaytarılıb. Meyitin qaytarılması prosesində yalnız Azərbaycan və Ermənistan tərəfdən olan hərbiçilər iştirak ediblər. 14:30-da başlayan və yarım saat davam edən təhvil prosesi insidentsiz başa çatıb.